Бидний тухай

Монголын диск гольф сонирхогчдын холбоо

2023 оны 12 сард Монголын диск гольф сонирхогчдын холбоог Монгол Улсын Улсын бүртгэлийн газар бүртгүүлж, албан ёсоор байгуулсан.

Зорилго

Диск гольфын спортыг хөгжүүлэх, түгээн дэлгэрүүлэх,  диск гольф сонирхогчдыг хичээллүүлэх, гишүүдийн дүрмээр баталгаажсан эрх, үүргийг хангахад чиглэгдсэн үйл ажиллагааг хэрэгжүүлэх, гишүүдээ сургах, чадавхыг нэмэгдүүлэх,  үндэсний хэмжээний багш, дасгалжуулагч, тамирчид бэлтгэх, олон улсын тэмцээн, уралдаанд оролцох боломжийг хангахыг үндсэн зорилго болгоно.

Үйл ажиллагааны үндсэн чиглэл

• Диск гольфын спортын нийтлэг дүрмийг удирдлага болгон, диск гольфын спортын үндсэн ёс зүйг баримтлах,

• Гишүүддээ болон нийгэмд үйлчлэх,

• Гишүүдийн эрх, ашгийг дээдлэх,

• Ил тод нээлттэй,

• Бусад холбоотой уулзалт тэмцээн уралдаан зохион байгуулах замаар хувь хүн, гишүүдийн диск гольфын ур чадварыг нэмэгдүүлэх, өөрсдийн авъяас чадвар, чадамжийг нээн хөгжүүлэх боломжийг хангаж, гишүүдийн өмнө тулгамдсан асуудлууд, тэдгээрийн шийдвэрлэх гарц, боломжийг хамтдаа эрэлхийлж, гар бие оролцох, нийт иргэд, залуу үеийнхэнд байгаль орчноо хайрлан хамгаалах үзэл бодлыг төлөвшүүлэх төрөл бүрийн арга хэмжээг зохион байгуулах,

• Үйл ажиллагааныхаа чиглэлээр ижил төстэй гадаад, дотоодын байгууллагуудтай холбоо тогтоож, төсөл, хөтөлбөр хэрэгжүүлэх замаар хамтран ажиллах нөхцлийг хангахад чиглэсэн үйл ажиллагаа хэрэгжүүлнэ.